ហង្សក្រហម Liverpool បានបន្តយកឈ្នះការប្រកួតរបស់ខ្លួននៅ Premier League ដើម្បីបន្តក្ដីសង្ឃឹមដណ្ដើមពានក្រោយផ្ដួល Newcastle នៅចុងម៉ោងដោយកីឡាករ Divock Origi ក្នុងលទ្ធផល ៣ទល់នឹង២។
ការប្រកួតដ៏តានតឹងកាលពីយប់មិញ Liverpool បានបើកឆាកនាំមុខ១គ្រាប់មុនដោយការតែតបញ្ចូលទីរបស់ Van Dijk នៅនាទី១៣ ប៉ុន្តែត្រូវម្ចាស់ផ្ទះតាមស្មើបានវិញនៅ៧នាទីបន្ទាប់ស៊ុតដោយ Atsu។ លុះរំលងដល់នាទី២៨ Salah បានស៊ុតឲ្យហង្សនាំមុខម្ដងទៀត។
នៅវគ្គទីពីរនាទី៥៤ Rondón បានតាមស្មើសារជាថ្មី ឲ្យ Newcastle ធ្វើឲ្យ Liverpool ក្រពុលមុខម្ដងទៀតប៉ុន្តែនៅចុងម៉ោងនាទី៨៦ Divock Origi បានក្លាយជាវីរបុរសតែតបញ្ចូលទីឲ្យក្រុមលោក Jurgen Klopp បាន៣ពិន្ទុបន្ថែម និងឡើងទៅកំពូលតារាង។
Liverpool ពេលនេះមាន៩៤ពិន្ទុហើយក្នុងតារាង បើគិតចាប់ពីឆ្នាំ១៩៩៣មកក្រុមណាដែលបាន៩៤ពិន្ទុតែងលើកពាន Premier League បាត់ទៅហើយ កម្សត់អីតែពួកគេនៅមិនទាន់ស្គាល់ជាតិពានដោយសារមានគូប្រជែងដ៏ខ្លាំងគឺ Manchester City ដែលកំពុងប្រទាញប្រទង់៕
Divock Origi ជួយអោយ Liverpool យកឈ្នះ Newcastle ក្លាយជាក្រុមដំបូងតាំងពីឆ្នាំ៩៣ តែមិនទាន់ឈ្នះលីគ
អត្ថបទទាក់ទង
