សហព័ន្ធកីឡាបាល់ទាត់អន្តរជាតិហៅកាត់ថា FIFA បានលុបចោលគម្រោងនៃការពង្រីកយុទ្ធនាការ World Cup ឆ្នាំ២០២២ នៅប្រទេសកាតា រហូតដល់៤៨ក្រុម កាលពីថ្ងៃពុធ ខណៈដែលការសម្រេចចិត្ត ផ្តល់ការខកចិត្តដ៏ធំមួយដល់លោក Gianni Infantino ដែលជាប្រធានអង្គភាពគ្រប់គ្រងកីឡាបាល់ទាត់ពិភពលោក។`
យុទ្ធនាការក្នុងឆ្នាំ២០២២មួយនេះ បច្ចុប្បន្ន នឹងត្រូវរៀបចំឡើងជាមួយនឹងក្រុមចំនួន៣២ ក្នុងប្រទេសកាតា។ FIFA បានបញ្ជាក់ថា ខ្លួនបានបោះបង់គម្រោងនៃការបន្ថែមចំនួនក្រុមក្រោយពីការពិភាក្សាយ៉ាងយកចិត្តទុក និងយ៉ាងលម្អិត ដែលនាំឲ្យមានការសម្រេចចុងក្រោយថា «ផ្អែកតាមស្ថានភាពបច្ចុប្បន្ន សំណើរបែបនេះ គួរតែមិនត្រូវធ្វើឡើងនៅពេលនេះឡើយ»។
FIFA បានឲ្យដឹងក្នុងសេចក្តីថ្លែងការណ៍មួយថា៖ «យុទ្ធនាការនេះ នៅតែមានក្រុមចំមួន៣២ក្រុមតាមការគ្រោងទុកដដែល ហើយមិនមានសំណើណាមួយនឹងត្រូវផ្តល់ឲ្យក្នុងសន្និបាទបន្ទាប់របស់ FIFA នៅថ្ងៃទី៥ ខែមិថុនា ឡើយ»។ ការពង្រីកក្រុមនេះ បានក្លាយជាគម្រោងជាយូរមកហើយរបស់លោក Infantino ដែលបានជំរុញគម្រោងនេះ បើទោះបីតម្រូវឲ្យប្រទេសជិតខាងរបស់កាតា ដើម្បីលុបចោលការបិទចក្រចេញចូលរយៈពេល២ឆ្នាំ និងជួយរៀបចំយុទ្ធនាការដែលត្រូវបានពង្រីកមួយ។
ការសិក្សាមួយដែលត្រូវបានផ្ញើរទៅកាន់សន្និបាទរបស់ FIFA ក្នុងរដ្ឋ Miami បានឲ្យដឹងថា៖ «ការចូលរួមរបស់ប្រទេសទាំងអស់នេះ ក្នុងអង្គភាពនៃយុទ្ធនាការនេះ រួមជាមួយនឹងប្រទេសកាតា ត្រូវតម្រូវឲ្យមានការលុបចោលការបិទច្រកព្រំដែនចេញចូល ជាពិសេស ការលុបចោលការហាមការនាំចូលទំនិញ និងពលរដ្ឋ»៕
ប្រភពព័ត៌មាន៖ Channel News Asia
FIFA បោះបង់ផែនការរៀបចំ World Cup មាន៤៨ក្រុម ក្នុងឆ្នាំ២០២២
អត្ថបទទាក់ទង