បាល់ទាត់៖ កីឡាករយុវជនអង់គ្លេស Callum Hudson-Odoi បានសំរេចក្នុងការចុះហត្ថលេខា លើកិច្ចសន្យាថ្មីជាមួយក្រុមតោខៀវ Chelsea រយៈពេល ៥ឆ្នាំដែលនឹងទទួលបានថ្លៃឈ្នួល ១២ម៉ឺនផោនក្នុងមួយសប្ដាហ៍។
កិច្ចសន្យាថ្មីនេះបានបញ្ចប់រឿងរ៉ាវផ្ទេរចេញពី Stamford Bridge របស់កីឡាករវ័យ ១៨ឆ្នាំរូបនេះរយៈពេលច្រើនខែ បន្ទាប់ពីគេបានស្នើសុំផ្ទេរចេញពីក្លិបកាលពីខែមករា បន្ទាប់ពី Chelsea បដិសេធសំណើ ៣៥លានផោនរបស់ Bayern Munich។
តែក្រោយមក Chelsea បានប្រកាសតែងតាំង Frank Lampard ជាអ្នកចាត់ការថ្មី ដែលបានទទូចលួងលោមអោយកីឡាករអង់គ្លេសរូបនេះ ព្រមរួមរស់ជាមួយក្រុមជើងឯក Europa League មួយនេះរយៈពេលវែងបន្ថែមទៀត។ Hudson-Odoi គ្រោងវិលចូលទីលានវិញឆាប់ៗនេះហើយ ក្រោយសម្រាកព្យាបាលតាំងពីខែមេសា។
រំលឹកថា ក្រោមការដឹកនាំរបស់ Maurizio Sarri រដូវកាលមុន Odoi បង្ហាញខ្លួននៅបាន ២៤ប្រកួតស៊ុតបញ្ចូលទី ៥គ្រាប់ និងបានបង្ហាញខ្លួនក្នុងក្រុមជំរើសជាតិអង់គ្លេសផងដែរ។ តាំងពី Frank Lampard មកដល់ Chelsea បានសំរេចបន្តកិច្ចសន្យាអោយកីឡាករ ២នាក់ផ្សេងទៀតផងដែររួមមាន Mason Mount និង Ruben Loftus-Cheek៕
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង