ការប្រកួតក្របខណ្ឌលីគកំពូលកម្ពុជាសប្ដាហ៍ទី២៣ ត្រូវបានគេចាត់ទុកជាសប្ដាហ៍គួរចាប់អារម្មណ៍ ក្រោយមានក្លឹបធំៗជាច្រើនត្រូវប្រឈមដាក់គ្នាលើសមរភូមិវាលស្មៅ ពិសេសគូប្រកួតធំៗ ៤ប្រកួតដែលគេរំពឹងនឹងធ្វើឲ្យកក្រើកទីលាន ក៏ដូចជាទាក់ទាញការគាំទ្រច្រើនពី Fan របស់ក្លឹបនីមួយៗ។
សម្រាប់កម្មវិធីប្រកួតថ្ងៃទី២១ ខែកញ្ញាស្អែកនេះគឺមាន ៣គូ តែអ្វីដែលគួរឲ្យចាប់អារម្មណ៍ក្រុមអង្គរថាយហ្គឺរ និងក្រុមសូលទីឡូអង្គរ ដែលមានមូលដ្ឋាននៅខេត្តសៀមរាបដូចគ្នា ត្រូវជួបគ្នានៅកីឡដ្ឋានស្វាយធំ។ នេះគឺជាជំនួបដ៏ទាក់ទាញសម្រាប់អ្នកសៀមរាប ដ្បិតក្រុមទាំងពីរមានអ្នកគាំទ្រច្រើនរៀងៗខ្លួន។ រីឯកាលពីជើងទី១ អង្គរថាយហ្គឺរបានយកឈ្នះសូលទីឡូអង្គរ ៣–០។ ចំណែក ២គូទៀតគឺខេត្តកំពង់ចាមត្រូវជួបនគរបាលជាតិ នៅកីឡដ្ឋានស្ដាតចាស់ និងអគ្គិសនីកម្ពុជាបើកទ្វារផ្ទះទទួលក្រុមគិរីវង់។ សម្រាប់កម្មវិធីប្រកួតថ្ងៃទី២២ ខែកញ្ញា រឹងតែអស្ចារ្យដោយមាន ៤ប្រកួត តែក្នុងនោះមាន ៣ប្រកួតដែលអ្នកគាំទ្រមិនគួរមើលរំលង គឺក្រុមបឹងកេតប៉ះក្រុមការពារជើងឯកណាហ្គាវើលដ៏, ក្រុមវិសាខាបើកទ្វារផ្ទះសងសឹកក្រុមព្រះខ័នរាជស្វាយរៀង និងក្រុមក្រសួងការពារជាតិបើកទ្វារផ្ទះជម្រះបញ្ជីក្រុមភ្នំពេញក្រោន។ នេះសុទ្ធតែជាជំនួបធំៗដែលអ្នកគាំទ្រទន្ទឹងរង់ចាំ។
ក្រឡេកទៅមើលលទ្ធផលកាលពីជើងទី១ បឹងកេតបានយកឈ្នះណាហ្គាវើលដ៏ ២–០, ព្រះខ័នរាជស្វាយរៀង បានឈ្នះវិសាខា ៥–៣ ហើយភ្នំពេញក្រោនឈ្នះក្រសួងការពារជាតិ ៣–១។ ដូច្នេះចាំមើលក្នុងចំណោមគូសងសឹក ៣ប្រកួតនាថ្ងៃអាទិត្យនេះ តើក្រុមណាខ្លះអាចរក្សាភាពខ្លាំងក្នុងការប្រជែងយក ៣ពិន្ទុ ហើយក្រុមណាខ្លះអាចសម្រេចបំណងសងសឹកក្នុងជំនួបជើងទី២ នេះ។ ចំណែក ១ប្រកួតទៀតដែលត្រូវធ្វើនៅថ្ងៃអាទិត្យផងដែរ គឺក្រុមយុវជនសាលាបាល់ទាត់ជាតិបាទីប៉ះក្រុមអាស៊ីអឺរ៉ុប ខណៈកាលពីជើងទី១ អាស៊ីអឺរ៉ុបបានយកឈ្នះក្រុមស្ថិតក្រោមការគ្រប់គ្រង របស់សហព័ន្ធកីឡាបាល់ទាត់កម្ពុជានេះដោយលទ្ធផល ៦–១៕
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង